Un grupo de touroperadores rusos participan esta semana nunha viaxe de familiarización para difundir os principais recursos turísticos do Camiño Inglés entre o mercado ruso. Trátase dunha actividade organizada por Viajes InterRías que conta co apoio da Xunta de Galicia.
O grupo, composto por unha quincena de profesionais, trasladouse hoxe á Coruña onde puideron gozar dunha visita guiada polas zonas máis emblemáticas da cidade e visitar algúns dos espazos máis importantes en relación co Camiño Inglés, como a Torre de Hércules, declarada Patrimonio da Humanidade pola Unesco. Pola tarde, o grupo trasladarase ata Fisterra para percorrer os últimos quilómetros do Camiño de Fisterra e Muxía.
